رویداد خبري آژانس په افغانستان کې لومړنۍ دیجټلي خبري آژانس
د پاکستان په لاهور کې یو عدالت عیسوي اصف پروېز ته د مذهب سپکاوي ډکو پیغامونو استولو په تور د مرګ سزا اورولې ده.
اصف پروېز ۳۷ کلن دی او ورته د سېپټېمبر پر اتمه د لاهور عدالت د هغې مقدمې په ترڅ کې سزا اورولې چې د ۲۰۱۳ز کال راهیسې روانه وه.
پر پروېز د کارخانې مالک تور پورې کړی و چې د اسلام پیغمبر په اړه یې له سپکاوي ډک پیغامونه استولي وو. د پروېز مدافع وکیل ویلي چې هغه به د سزا پر ضد اپیل کوي.
پروېز پر ځان لګیدلې تورونه رد کړي دي او عدالت ته یې ویلي چې مالک پرې دا تورونه له هغې وروسته پورې کړ چې ده د اسلام قبولولو انکار وکړ.
د نړیوالې مذهبي ازادی په اړه د امریکا کمیشن په اپرېل میاشت کې ویلي ول چې په پاکستان کې نېږدې ۸۰ کسان د مذهب سپکاوي په تور بندي دي چې پکې نیمايي کسانو ته د ټول عمر د بند او یا د مرګ سزا اورول شوې ده.
