رویداد خبري آژانس په افغانستان کې لومړنۍ دیجټلي خبري آژانس
پاکستاني چارواکو خبر ورکړی چې د دغه هېواد په پلازمېنه اسلامباد کې د پوليسو پر يوه پوسته وسلهوال بريد شوی او په کې پوليسو ته هم مرګ ژوبله اوښتې ده.
د پاکستان کورنيو چارو وزير شېخ رشيد احمد ويلي چې بريد پرون دوشنبه د (مرغومي په ۲۷مه) دوو وسلهوالو کسانو له لوري شوی او په کې له څو ساعته دوام وروسته، يو پوليس وژل شوی او يو بل ټپي شوی دی.
له دې سره په شمالي وزيرستان کې هم د پوليسو پر پوسته د وسلهوال بريد راپورونه ورکړل شوي دي. په راپورونو کې د ځايي چارواکو له قوله شوي، چې دغه بريد هم پرون دوشنبه د ميرعلي بازار ته څېرمه شوی دی.
په راپورونو کې ويل شوي، چي په ياد وسلهوال بريد کې يو پوليس وژل او دوه نور ټپي شوي دي. د يادو دواړو بريدونو مسووليت د تحريک طالبان پاکستان ډلې په غاړه اخيستی دی.
