رویداد خبري آژانس په افغانستان کې لومړنۍ دیجټلي خبري آژانس
د هند کرکټ بورډ وایي، چې په دې هېواد کې د کووېډ۱۹ ناروغۍ تېز مزل ته په کتو، ډېر احتمال شته چې راتلونکې نړیوال شل اوریزه جام متحده اماراتو ته انتقال شي.
ټاکل شوې چې سږ کال د کرکټ نړېوال شل اورېز جام اووم پړاو سیالۍ په هندوستان کې ترسره شي.
دا لوبې شپږ میاشتې وروسته د اکټوبر په میاشت کې پیلېږی او د نوومبر تر ۱۴ مې دوام کوي.
په نړیوال شل اووریز جام کې د افغانستان په ګډون ۱۶ لوبډلې ګډون لري.
تېر ځل د دغه سیالیو اتلولي ویسټ انډیز خپله کړې وه.
