رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د وګړو صندوق پر اېکس پاڼه ليکلي، چې په افغانستان کې د یو میلیون نورو قابلو روزنه او ګمارنه د میندو او نویو زیږېدلو ماشومانو د ژوند ژغورلو لپاره تر ټولو اغېزناکه لاره ده.
د یاد بنسټ په وینا، د قابلو زیاتوالی د امیندوارۍ پر مهال روغتیايي پاملرنې ته لاسرسی پراخوي، خوندي زېږون ته زمینه برابروي او له زېږون وروسته د مور او ماشوم د ژوند خونديتوب تضمين کولی شي.
د ملګرو ملتونو د وګړو صندوق ټینګار کوي، چې دا اقدامات کولی شي د مړینې کچه راکمه کړي.
د راپورونو پر اساس، افغانستان لا هم د میندو او نویو زیږېدلو ماشومانو د مړینې له لوړې کچې سره مخ دی. چې د قابلو روزنه او د هغوی پراخ حضور د هېواد د روغتیايي سیستم د پیاوړتیا لپاره یو مهم او اغېزناک ګام بلل کېږي.
