رویداد خبري آژانس په افغانستان کې لومړنۍ دیجټلي خبري آژانس
د لغمان والي د فکري بدلون د رامنځته کېدو په پار د لوړ پوړو مسؤلینو په ملتیا د فخر افغان پاچاخان مزار څخه لیدنه وکړه.
د لغمان والي رحمت الله یارمل ننګرهار ته د خپل سفر پرمهال چې ددغه ولايت والي شاه محمود میاخېل، د چارو ادارې لوی رئیس فضل محمود فضلي،د لغمان او ننګرهار مرستیال والیانو،نظامي مسؤلینو او ګڼ شمېر نورو یې ملتیا کوله، د فکري تغیر د رامنځته کېدو په پار یې د فخر افغان پاچاخان مزار څخه لیدنه وکړه .
نوموړي د پاچا خان روح ته د دعا ترڅنګ د یاد مزار د کمپلکس بېلابېلې برخې ولیدلې او خوښي یې وښوده چې چارې یې په بشپړیدو دي او ژر به ګټې اخیستنې ته وسپارل شي.
