رویداد خبري آژانس په افغانستان کې لومړنۍ دیجټلي خبري آژانس
فرانسوي رسنیو خبر ورکړی چې په فرانسه کې د پارلماني ټاکنو د لومړي پړاو لپاره رایه کارونه نن (یکشنبې، چنګاښ ۱۰مه) پیل شوې ده.
په دې ټاکنو کې د کډوالو ضد سخت دریځه ښي اړخه او د اروپايي ټولنې د مفکورې منتقدین په ټولپوښتنو کې مخکښ دي، وروسته کیڼ ګوند او بیا د امانویل مکرون منځلاری ګوند.
کارپوهان وايي چې د ښي اړخي «ملي اجتماع» ګوند بریا به تر ډېره د اروپايي ټولنې او اوکراین په اړه د فرانسې پالیسي بدله کړي.
د دې ټاکنو دویم پړاو به په نږدې یوه اوونۍ کې ترسره شي او تر هغه وخته به وروستۍ پایلې هم نه وي معلومې.
د فرانسې د پارلمان ابتدايي ټاکنې د اروپا د پارلمان په ټاکنو کې د ښي اړخو «ملي اجماع» پر وړاندې د مرکزي ګوندونو ایتلاف له ماتې وروسته وشوې.
د فرانسې ولسمشر، امانویل مکرون د ښي اړخو ګوندونو د ایتلاف پر وړاندې د خپل منځلاري ګوند له ماتې وروسته درې اوونۍ وړاندې د د دې هېواد پارلمان منحل کړ او د د پارلماني ټاکنو د ژر ترسره کېدو اعلان یې وکړ.
