رویداد خبري آژانس په افغانستان کې لومړنۍ دیجټلي خبري آژانس
د تونس ولسمشر قيس سيد د دې هېواد په پلازمېنې تونس کې د سوريې د بهرنيو چارو وزیر فيصل مکداد سره په کتنه کې ویلي، چې تونس په کلک هوډ غواړي له سوريې سره د ورورګلوۍ او همکارۍ اړیکې بېرته عادي کړي او په بېلابېلو برخو کې د دوه اړخيزو مسایلو په اړه د سلا مشورو او همکارۍ بهیر پياوړی کړي.
د تونس ولسمشرۍ ماڼۍ د يوې اعلاميې په خپرولو سره ویلي، چې ولسمشر په دې کتنه کې د تونس او سوريې ترمنځ د دوه اړخيزو اړيکو پر ټينګښت او له ټولو ننګونو سره د ګډې مبارزې پر ارادې ټينګار وکړ.
مکداد د تونس په بلنه د روانې مياشتې په ١٧ نېټه د درې ورځني سفر لپاره تونس تللی دی. تونس او سوريې د روانې مياشتې په ١٢مه نېټه په ګډه اعلاميه کې وويل چې دواړه هېوادونه به خپل سفارتونه بيا پرانيزي.
