رویداد خبري آژانس په افغانستان کې لومړنۍ دیجټلي خبري آژانس
ایراني چارواکو ژمنه کړې چې زرنج او هرات ښارونو ته به د برېښنا پر لېږد او د بادي برښنا پر تولید کار کوي.
د افغانستان د بهرنیو چارو وزارت وایي، دغه خبره کابل ته د ایران راغلي فني او تخنیکي پلاوي، چې مشري یې د انرژۍ وزرات مرستیال همایون حایري کوله، کړې ده.
دغه پلاوي د بهرنیو چارو له سرپرست وزیر حنیف اتمر سره د لیدو پر مهال ویلي، د ترانزیټ، سوداګرۍ او برېښنا په برخو کې به خپلې همکارۍ پياوړې کړي.
ایران او افغانستان خپلو کې د هر اړخیزو همکاریو یو جامع سند هم لاسلیکوي چې د طرحې په بشپړولو یې کار روان دی.
