رویداد خبري آژانس په افغانستان کې لومړنۍ دیجټلي خبري آژانس
د افغانستان کرکټ بورډ خبر ورکوي چې د کرکټ ملي لوبډله د زېمبابوې لوبډلې پر وړاندې د راتلونکو سیالیو په موخه یاد هېواد ته روان شول.
د یادې ادارې څخه په خپره شوې خبرپاڼه کې راغلي چې ملي لوبډله (چهارشنبې، د لیندۍ ۱۴مه)ماسپښین مهال یاد هزواد ته روان شوي دي.
د خبرپاڼې د معلوماتو له مخې افغان لوبډله به په دې سفر کې د زیمبابوې لوبډلې سره شل اوریزه، ۵۰ اوریزه او ټېست سیالۍ د زېمبابوې په کوربه توب «هراري» کرکټ لوبغالي کې تر سره کړي.
ټاکل شوې چې د دواړو لوبډلو ترمنځ درې ۲۰ اوریزې او درې یو ورځنۍ لوبې د روانې ډېسمبر میاشت پر ۱۱مه پیل او د همدې میاشت پر ۲۱مه پای ته رسېږي.
