رویداد خبري آژانس په افغانستان کې لومړنۍ دیجټلي خبري آژانس
په دې وروستيو کې امريکا ته تللو يو شمېر افغان کډوالو شکايت درلود چې لا هم د کډوالو په کمپونو کې دي او د امريکا حکومت له لوري ورته د ځای پر ځای کېدو اسانتياوې نه دي برابرې شوې؛ خو د امريکا بهرنيو چارو وزير انټوني بلېنکن تازه د يادو افغان کډوالو د ځای پر ځای کېدو خبر ورکړی.
نوموړي پرون چهارشنبه د (کب په ۴مه) په خپل ټوېټر کې ويلي، د افغان کډوالو وروستۍ جوپه چې د امريکا له لوري ايستل شوي، په امن ځايونو کې ځای پر ځای کړي دي.
نوموړي په دې برخه کې له دخيلو امريکايي چارواکو مننه کړې او ويلي يې دي چې له پلان سره سم يې ياد کډوال پر وخت په امن ځايونو کې ځای پر ځای کړل.
امريکا ته تللي ډېری افغان کډوالو د طالبانو له لوري د واک له نيولو وروسته، د امريکايي پوځيانو له لوري د تخليې عملياتو پرمهال ايستل شوي او يو شمېر لا هم په عربي اماراتو، قطر او يو شمېر نورو هېوادونو کې بې برخليکه پاتې دي.
