رویداد خبري آژانس په افغانستان کې لومړنۍ دیجټلي خبري آژانس
په بلوچستان کې د پاکستاني پوځيانو پر موټريز کاروان درنه چاودنه شوې او په ترڅ کې يې ګڼو پوځيانو ته مرګ ژوبله اوښتې ده.
پاکستاني چارواکو هم چاودنه تائيد کړې او ويلي يې دي، چې دغه چاودنه نن چهارشنبه د (کب په ۲۵مه) له غرمې وړاندې د کووټې ښار لوېديځ ته په ۱۸۰ کيلومتره کې شوې ده. د لومړنيو رسمي شمېرو له مخې په دې چاودنه کې ۴ تنه پوځيان وژل شوي او ۱۰ نور ټپيان دي.
د يادې چاودنې مسووليت په سيمه کې د فعالو بلوڅ بېلتونپالې ډلې منلی او ادعا يې کړې، چې په ترڅ کې يې ۱۰ پوځيان وژلي او ګڼ نور يې ټپيان کړي دي.
