رویداد خبري آژانس په افغانستان کې لومړنۍ دیجټلي خبري آژانس
د افغانستان امنیتي چارواکي نن چهار شنبه (۲۱ د لړم) خبر ورکړ چې دوي په بادغیس ولایت کې ۲۳ طالب وسلوالو ته مرګ ژوبله اړولې ده.
د افغانستان دفاع وزارت چارواکي وویل چې د بادغیس ولایت قادس ولسوالۍ په (کته ګیر) او (آب بخش) سیمو کې وسلوالو طالبانو غوښتل چې د امنیتي ځواکونو پر پوستو بریدونه وکړي، چارواکي زیاتوي د هوايي ځواک د بریدونو په پایله کې ۱۶ تنه وسلوال ووژل شول او ۷ نور ټپیان شول.
امنیتي چارواکي دا هم وویل چې په برید کې حاجي قاري هم وژل شوی دی.
امنیتي ځواکونه وویل، په سیمه کې د وسلوالو ۸ موټرسایکلې له منځه تللي او ۲ کړۍ ماینونه هم کشف شوي دي.
وسلوالو طالبانو تر اوسه ددې پیښې په اړه څه نه دي ویلي.
