رویداد خبري آژانس په افغانستان کې لومړنۍ دیجټلي خبري آژانس
د افغانستان د خلاصون لارې شورا مشر او پخوانی طالب چارواکی سید اکبر اغا وایي، امریکایان د سولې بین الافغاني خبرو کې لاسوهنه کوي.
نوموړي پرون پنجشنبې د اکتوبر۱ (تلې۱۱) په مزار شریف کې یوې غونډې ته په خبرو کې ویلي، چې مذاکراتي ټيمونه بايد د سولې رامنځته شوی فرصت ضايع نه کړي او خپلې خبرې ګړندۍ کړي.
د نوموړي په خبره، امریکایان د سولې بین الافغاني خبرو بهیر کې په لاسوهنې سره هڅه کوي د افغانانو ترمنځ بې باوري زیاته او دنياوالو ته وښيي، چې افغانان سوله نه بلکې جګړه غواړي.
اکبر اغا په دوحه کې د بین الافغاني مذاکراتو له دواړو افغاني لوریو غوښتنه کړې ده چې خبرې بیا پیل او ژر یوې هوکړې ته سره ورسېږي.
