رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو عمومي اسامبلۍ پرون جمعه (د غبرګولي ۲۸مه نېټه) انتونیو ګوترش د دویم ځل لپاره د دغه سازمان د عمومي منشي په توګه وټاکه.
انتونیوګوترش به د پنځو نورو کلونو لپاره هم د دغه نړیوال سازمان چې ۱۹۳ غړي لري، مشري کوي.
د همدې میلادي میاشتې په پيل کې د ملګرو ملتونو امنیت شورا چې ۱۵ غړي لري، د دویمې دورې لپاره د ګوترش د بیا ټاکل کېدو ملاتړ کړی و.
د ۷۲ کلن ګوترش د ماموریت دویم پړاو د راتلونکې ۲۰۲۲ کال د جنورۍ په لومړۍ نېټه پیلیږي.
د نړۍ بېلابېلو چارواکو ګوترش ته پر خپل پوست د بیا ټاکل کېدو له کبله مبارکي ورکړې ده.
