رویداد خبري آژانس په افغانستان کې لومړنۍ دیجټلي خبري آژانس
متحدو ایالتونو (چهارشنبې، د لړم ۲مه) ویلي چې شمالي کوریا د روانې میاشتې په سر کې روسیې ته ۳۰۰۰ سرتېري استولي، هلته روزل کېږي او ټاکل شوې چې له روسي سرتېرو سره اوږه په اوږه د اوکراین په ضد وجنګېږي.
د امریکا غږ د راپور له مخې، د سپینې ماڼۍ د امنیت شورا ویاند جان کربي د دغه سرتېرو د ورتګ خبر ورکړی او ویلي یې دي چې امریکا له خپلو ملګرو او شریکانو سره کار کوي چې دا وضعیت پوره درک کړي.
کربي ویلي چې د شمالي کوریا سرتېرو د اکتوبر په پيل او منځ کې د خپل سمندري سرحد وانسن څخه په کښتیو کې د روسیې ولادیوستوک ته سفر کړی او د ختیځې روسیې بېلابېلو روزنیزو مرکزونو ته رسېدلي دي.
د سپینې ماڼۍ دغه چارواکي ویلي: “چې د وضعیت د درک په اړه یې د اوکراین حکومت ته معلومات ورکړي او په سیمه کې له نورو شریکانو او ملګرو سره د دغه ډراماتیک ګروپي اقدام د عواقبو او زموږ د ممکن ځواب ورکولو په اړه سلا مشوره کوي.”
د ناټو استخباراتو هم په روسیه کې د شمالی کوریا د سرتېرو شتون تایید کړی دی.
