رویداد خبري آژانس په افغانستان کې لومړنۍ دیجټلي خبري آژانس
افغان ولسمشر محمد اشرف غني یو ځل بیا له طالبانو د اوربند غوښتنه کړې ده.
د ولسمشرۍ ماڼۍ له مطبوعاتي دفتره په یوه خپره شوې خبرپاڼه کې راغلي چې افغانان له جګړو ستړي شوي دي او باید د تاوتریخوالي اوسنۍ کچه راکمه کړل شي.
ولسمشر غني په دغه خبرپاڼه کې له طالبانو یو ځل بیا د اوربند غوښتنه کړې ده او په خبره یې افغان جګړه د خبرو له لارې باید پای ته ورسول شي، اوربند دې رامنځ ته شي او د خبرو ادامه باید د تاوتریخوالي د ختمېدو سبب شي.
ښاغلي غني تر دې وړاندې هم څو ځله له طالبانو د اوربند غوښتنه کړې ده خو یادې ډلې یې غوښتنې ته د رد ځواب ورکړی او وایي چې په بین الافغاني مذاکراتو کې به پر دې مسئله بحثونه کېږي.
