رویداد خبري آژانس په افغانستان کې لومړنۍ دیجټلي خبري آژانس
اروپايي ټولنې د حکومت له لوري د نجونو پر مخ د پوهنتونونو دروازو پرانيستو او دغه راز د ښوونځيو پرانيستې په اړه د حکومتي چارواکو ژمنه مثبت او ښه اقدام بللی.
د افغانستان لپاره د اروپايي ټولنې ځانګړی استازی توماس نېکولسن وايي، د اسلامي امارت چارواکو له لوري د نجونو پر مخ د پوهنتونو پرانيستو او په راتلونکي کې د نجونو ښوونځيو د پيلېدو ژمنه، د افغانستان راتلونکي لپاره ښه ګام دی.
نوموړي د دې ترڅنګ دا هم ويلي، داسې هيلي شته چې له مخې به يې په افغانستان کې بشري وضعيت هم ښه او سم لوري ته سوق شي.
نېکولسن د اسلامي امارت پر چارواکو غږ کړی، چې داسې هڅې وکړي څو په پايله کې يې نړيواله ټولنه د افغانستان حکومت په رسميت وپېژني.
