رویداد خبري آژانس په افغانستان کې لومړنۍ دیجټلي خبري آژانس
د المان حکومت په افغانستان کې د خپلو سرتیرو ماموریت غځولی دی.
د المان د حکومت دا پرېکړه اوس د دغه هېواد د فدرالي پارلمان تایید ته هم اړتیا لري.
د حکومت دغې پرېکړې له مخې، الماني ځواکونه به تر لسو نورو میاشتو په افغانستان کې پاتې کېږي.
په افغانستان کې د الماني سرتیرو د ماموریت غځولو پرېکړه د ناټو د دفاع وزیرانو له ناستې نږدې یوه اوونۍ وروسته شوې ده.
ناټو ویلي وو، تر اوسه یې له افغانستان د سرتیرو د ایستلو پرېکړه نه ده کړې.
المان اوسمهال په افغانستان کې ۱۱۰۰ پوځيان لري چې تر امریکا وروسته دا په افغانستان کې د بهرنیو ځواکونو لوی شمېر دی.
د جرمني د حکومت ویاند سټیفن سایبرټ ویلي، د نوې پرېکړې له مخې به لږترلږه ۱۳۰۰ جرمني ځواکونه په افغانستان کې حضور ولري. سټیفن وویل، دا پرېکړه د افغانستان وضعیت ته په پام سره شوې ده.
