رویداد خبري آژانس په افغانستان کې لومړنۍ دیجټلي خبري آژانس
د افغانستان د ښځو چارو سرپرست وزیره حسینه صافۍ په یوه غونډه کې د ښځو په مشارکت او د دوی د کاري ظرفیت په لوړولو باندې ټینګار وکړه.
حسینې صافۍ په هغه ناسته کې دغه خبره وکړه چې د سیمه ییزو ارګانونو خپلواکۍ ادارې له خوا د امریکا د نړیوالې پراختیایي ادارې په مرسته له ښځو د ملاتړ په موخه، په ښې حکومتوالۍ کې د ښځو د ونډې په نوم جوړه شوې وه.
صافۍ په خپلو خبرو کې وویل په سیاست کې ښځو خپله ونډه تثبیت کړې ده.
په دې ناسته کې د اقتصاد وزیره کریمه حامد فاریابي وایي، په هېواد کې یوازي ۱۶.۶ سلنه ښځې کار کوي چې دا شمېر ډېر کم دی.
د اقتصاد وزیره وايي اوس مهال پنځه ملیونه ښځې په کور ناستې دي او د کار زمینه ورته نه ده براره شوې.
په ورته وخت بیا کې د ښځو چارو وزارت وايي په ملکي خدمتونو کې د ښځو ونډه ۲۹ سلنې ته رسېدلې چې له دې شمېر څه د پاسه ۱۰ سلنهیې د دولتي ادارو د رهبرۍ په برخه کې کار کوي.
