رویداد خبري آژانس په افغانستان کې لومړنۍ دیجټلي خبري آژانس
د ننګرهار چارواکي وايي د دې ولایت په خوګیاڼو ولسوالۍ زوړ بازار سيمه کې ځانګړو ځواکونو تېره شپه عمليات کړي چې په ترڅ کې يې عبدالسلام حنفي چې مشهور په ذبيح الله دی، د داعش ډلې د امر په تور نیولی دی.
د ننګرهار چارواکي زیاتوي نوموړی تورن دی چې د داعش ډلې لپاره يې وسلې او چاودیدونکې توکې اخيستل.
په دې عملیاتو کې د تورن کس څخه دوه میله تفنګچې هم ځانګړو ځواکونو لاسته ورغلي دي.
چارواکي وايي په یادو عملیاتو کې ځانګړو ځواکونو او عام ولس ته کوم زیان نه دی اوښتی.
داعش ډلې تر اوسه په دې اړه څه نه دي ویلي.
