رویداد خبري آژانس په افغانستان کې لومړنۍ دیجټلي خبري آژانس
په پاکستان کې د وروستیو ناامنیو له امله د بريټانیا حکومت دا هېواد د نړۍ په خطرناکو هېوادونو کې شمېرلی او له خپلو خلکو یې غوښتي چې دې هېواد ته له تللو ډډه وکړي.
د راپورونو له مخې، د بریټانیا حکومت پاکستان د هغو ۲۴ هېوادونو په لېسټ کې شمېرلی چې اوسېدونکې یې له خطر سره مخ دي.
ترهګریز بریدونه، طبیعي پېښې او اقلیمي بدلونونه هغه لاملونه دي چې د بريټانیا حکومت دا هېواد د نړۍ په خطرناکو هېوادونو کې حساب کړی او خپلو خلکو ته یې ویلي چې یاد هېواد ته سفر یې ژوند له خطر سره مخ کوي.
دا په داسې حال کې ده چې دوې ورځې وړاندې د بلوچستان په نوشکي سیمه کې د ناپېژانده وسلوالو په برید کې ۱۱کسان ووژل او ۵ نور ټپیان شول.
تر اوسه د دې پېښې مسوولیت هېڅ کومې ډلې نه دی منلی.
