رویداد خبري آژانس په افغانستان کې لومړنۍ دیجټلي خبري آژانس
د پاکستان پوځ په سویلي وزیرستان کې د سختدریځو پر یوه پټنځای د عملیاتو په نتیجه کې د اته وسلهوالو د وژل کېدو خبر ورکړی.
د اسوشټید پرېس اژانس د راپور له مخې پوځ ویلي چې، د استخباراتي معلوماتو پر اساس دغه عملیات تېره شپه د سویلي وزیرستان په شین ورسک سیمه کې ترسره شول چې یو سرتېری پهکې وژل شوی او څلور نور ټپیان دي.
د پاکستان پوځ نهدي ویلي چې، دغه عملیات یې پر کومې وسلهوالې ډلې کړي، خو په سیمه کې د تحریک طالبان پاکستان یا ټيټيپي ډله فعاله ده.
پوځ ویلي، وژل شویو سختدریځو وسلهوالو پر امنیتي ځواکونو په حملو او د بېګناه وګړو په وژلو کې فعال لاس درلود.
ټيټيپي یا کومې بلې وسلهوالې ډلې تر اوسه د پوځ د دغې ادعا په اړه څه نهدي ویلي.
