رویداد خبري آژانس په افغانستان کې لومړنۍ دیجټلي خبري آژانس
روسیې ویلي چې د اوکراین د پوځ له لوري یې د خپلو ۸۹ وژل شویو سرتېرو غچ واخیست.
روسیه وايي چې د اوکراین د ختیځ ښار کراماتورسک په مکیوکا کې په اوکرایني سرتېرو مرګوني برید کړی او د روسیې دفاع وزارت په یو بیان کې ادعا کړې چې په برید کې یې څه دپاسه ۶۰۰ اوکرایني پوځیان وژلي چې په دوو ودانیو کې ځای پر ځای شوي وو.
د روسیې د دفاع وزارت دا برید غچ اخیستنه بللې ده. د روسیې دفاع وزارت دا نه دي ویلي چې برید دقیقا کله شوی، خو ویلي یې دي چې د روسیې استخباراتو په تېرو ۲۴ ساعتونو کې په کرایماتورسک کې د اوکراین د وسله والو ځواکونو د موقتي ځای پرځای کیدل تایید کړي دي.
په همدې حال کې رویټرز خبري آژانس وايي، چې د روسیې لخوا توغندیزو بریدونو خپلې موخي نه دي ویشتلي او د مرګ ژوبلې کره نښې نه تر سترګو کیږي.
