رویداد خبري آژانس په افغانستان کې لومړنۍ دیجټلي خبري آژانس
د ازموينو ملي ادارې نن شنبه د (لړم په ۱۴مه) د روان ۱۴۰۱ لمريز کال د کانکور ازموينې پايلې اعلان کړې.
د پايلو له مخې د هرات اوسېدونکی سليمان د ۳۵۵.۴۲۰۴ لوړو نمرو په ترلاسه کولو سره د کانکونو عمومي اول نمره، د کابل اوسيدونکی محمد شبير د ۳۵۵.۳۲۸ نمرو په اخيستو سره دويم او د هرات بل اوسېدونکی هدايتالله بيا د ۳۵۴.۰۹۰۵ نمرو په اخيستو سره د کانکور په ازموينه کې درېيم مقام ګټلی.
د يادو پايلو د اعلان پرمهال د رئيسالوزرا اداري مرستيال عبدالسلام حنفي وايي، چې د کانکور سږنۍ ازموينې ته ټولټال ۱۲۴۹۲۸ کسانو نومليکنه کړې وه او له ډلې يې ۱۶۰۰۳۰ کسانو په ياده ازموينه کې ګډون کړی و.
د نوموړي په خبره، د پايلو له مخې ټولټال ۸۸۶۰۳ کسان دولتي پوهنتونونو ته بريالي شوي او د کانکور ازموينې پرمهال پر مالي سپما سربېره له ۳ مياشتو څخه د يادې ازموينې د اخيستو وخت هم ۱۵ ورځو ته رالنډ شوی دی.
په ورته وخت کې د ازموينو ملي ادارې سرپرست رئيس عبدالقدير خاموش وايي، چې سږ کال دولتي پوهنتونونو ته له ۲۰ تر ۲۵ سلنې د نوو محصلانو د جذب ظرفيت لوړی شوی دی.
د نوموړي په خبره، د کانکور هغه ګډونوال چې لوړې نمرې لري او بې نتيجې شوي وي، د دويم چانس له لارې هغو پوهنځيو ته ورکول کېږي چې سيټونه په کې خالي وي.
خاموش زيات کړه، چې د پايلو په تړاو د ګډوالو شکايتونو او نيوکو ته هم د يوه ځانګړي فورم له لارې رسيدنه کېږي.
