رویداد خبري آژانس په افغانستان کې لومړنۍ دیجټلي خبري آژانس
په افغانستان کې پر نجونو او ښځو د حجاب جبري کولو په تړاو د طالبانو پر وروستۍ پرېکړې پر وړاندې د غبرګونونو په دوام سره، امريکايي چارواکو هم په دې باب ژوره خواشيني ښودلې.
د افغانستان لپاره د امريکا ځانګړي استازي توماس ويسټ نن دوشنبه د (غويي په ۱۹مه) په يو لړ ټوېټونو کې د حجاب جبري کولو پرېکړې ته په اشارې سره ويلي، چې د طالبانو ورته پرېکړې او تګلارې بشري حقونو ته سپکاوی دی.
نوموړي زياته کړې، چې له زدهکړو د نجونو منعه کولو دوام، د دوی د ګرځېدو را ګرځېدو ازادۍ محدودول او د ښځو سولهييزو لاريونونو په نښه کول بشري حقونو ته د طالبانو له لوري ښکاره سپکاوی دی.
ويسټ ټينګار کړی چې ورته پرېکړې کولی شي له نړيوالو سره د طالبانو پر اړيکو منفي اغېز وکړي.
د حجاب جبري کولو له پرېکړې وروسته په کور دننه او بهر غبرګونونه لا هم دوام لري او منتقدان ټينګار کوي چې اسلامي مارت دې د لومړيتوبو په تشخيص کې دقيق و اوسي.
د دوی په خبره په اوسني وضعيت کې د نجونو ښوونځيو پرانيستل، د اساسي قانون جوړول، د يوه ملي دولت تشکيلول او اقتصادي ستونزو ته د معقولو حل لارو پيدا کول بايد د لومړيتوبونو په سر کې وي.
