رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د ماشومانو وجهي صندوق (یونیسف) اعلان کړی چې په افغانستان کې به ۱۹۰ ښوونځي بیا ورغوي.
یونیسف د سې شنبې په ورځ د چنګاښ په ۱۲مه اعلان کړی چې د دې کال په اوږدو کې به د اروپايي ټولنې په مالي ملاتړ د بیارغونې چارې ترسره شي.
د دغه سازمان په وینا د دې ښوونځیو په بیارغونې سره به ۲۰۰ زره ماشومانو ته د زده کړو زمینه برابره شي.
د اروپايي ټولنې استازي تر دې وړاندې په هېواد کې د ۴۰۰ ښوونځیو د ودانیو د بیارغونې اعلان کړی و.
دا په داسې حال کې ده چې په افغانستان کې ښوونځي په محدوده توګه ډېر ابندایي امکانات لري او د هېواد په لرو پرتو سیمو کې زده کوونکي په ازاده فضا کې زده کړې کوي.
