رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د ماشومانو وجهي صندوق (یونیسف) وايي، د روان کال په جنورۍ میاشت کې په افغانستان کې د تنفسي ناروغۍ ۱۶۰ زره پېښې ثبت شوې دي.
یونیسف د دې ناروغۍ د زیاتوالي لامل سړه او ککړه هوا بولي او زیاتوي چې د دې ناروغۍ د ټولو پېښو ۶۲ سلنه له پنځو کلونو کم عمره ماشومان جوړوي.
د ملګرو ملتونو دې ادارې په یوه راپور کې دا هم ویلي، چې سږ کال د تېر کال په پرتله د حاد ناروغۍ پېښې ۱۶ سلنه زیاتې شوي دي.
په ورته وخت کې د افغانستان د عامې روغتیا وزارت وايي، تېر کال اته میلیونه تنفسي ناروغان روغتیايي مرکزونو ته ورغلي دي.
په ورته وخت کې د روغتیا نړیوال سازمان په دې وروستیو کې په افغانستان کې د تنفسي ناروغیو د زیاتوالي په اړه یو راپور خپور کړی او ویلي یې دي چې د جنورۍ په میاشت کې په ټول هېواد کې د تنفسي ناروغیو څه باندې ۱۶۰ زره پېښې ثبت شوې دي.
