رویداد خبري آژانس په افغانستان کې لومړنۍ دیجټلي خبري آژانس
د ا.ا د کډوالو او راستنېدونکو چارو وزارت له ایران څخه په جبري توګه او پخپله خوښه د څلور زره ۸۸۱ کډوالو د راستنېدو خبر ورکړی.
د یاد وزارت د خبرپاڼې له مخې، دا کډوال په تېرو دوو ورځو کې د نیمروز ولایت د ابرېشم پولې له لارې څخه هېواد ته راغلي دي.
د کډوالو او راستنېدونکو چارو وزارت په خبرپاڼه کې ویل شوي چې له راستنو شويو کډوالو ۵۷۹ اړمن کسان پېژندل شوي او د مرستې لپاره د نړیوال سازمان دفتر ته ورمعرفي شوي دي.
دې وزارت زیاته کړې چې له ۳۶ نورو کورنیو هم هرې یوې ۱۰ زره افغانۍ مرسته ترلاسه کړې ده.
د دې وزارت د مسوولانو په وینا چې یوشمېرو نورو کډوالو ته سیمکارټونه او روغتیایي خدمات چمتو شوي دي.
د کډوالو او راستنېدونکو چارو وزارت په بله خبر پاڼه کې ویلي چې ۷۷۵ کډوال له پاکستان څخه راستانه شوي دي.
د ویلو ده چې له ایران او پاکستان څخه د افغان کډوالو راستنېدل دوام لري.
