رویداد خبري آژانس په افغانستان کې لومړنۍ دیجټلي خبري آژانس
کورنیو چارو وزارت وایي، د هیواد په څو ولایتونو کې یې پنځه کسان د نشهیي توکو د قاچاق په تور نیولي دي.
د دغه وزارت څخه په خپره شوې خبرپاڼه کې راغلي، د نشهیي توکو پر وړاندې د مبارزې منسوبینو د کندز، کندهار، ننګرهار او پنجشېر ولایتونو په اړوند سیمو کې د څو بېلو عملیاتو په ترڅ کې پنځه تنه د نشهیي توکو د پلور او قاچاق په تړاو نیولي دي.
په ورته وخت کې بیا د ملي امنیت ځواکونه په ننګرهار ولایت کې ۲۱۵۰ کیلو ګرامه چاودېدونکې توکو د نیولو خبر ورکوي.
د یادونې ده چې د کورنیو چارو وزارت څو ورځې وړاندې هم په نیمروز او فراه ولایتونو کې شپږ کسان د نشهیي توکو د قاچاق او وسلو پلور په تور نیولي و.
