رویداد خبري آژانس په افغانستان کې لومړنۍ دیجټلي خبري آژانس
د امریکا متحده ایالاتونو د دفاع وزارت سرپرست کریستوفر میلر وايي چې له القاعده سره جګړه لا ختمه شوې نه ده.
د امریکا د دفاع وزارت سرپرست دغه خبره د امریکا وسلوالو ځواکونو ته په خپل لومړی پیغام کې کړې ده.
د امریکا دفاع وزارت سرپرست میلر وویل چې د هغې جګړې ختمولو ته هوډمن یو چې په ۲۰۰۱ کال کې القاعدې زمونږ تر پولو راوړه. دغه جګړه لا ختمه شوې نه ده.
ښاغلي میلر زیاته کړه مونږ د القاعدې او د دې ملاتړو ډلو ماتولو ته نږدې شوي یو.
هغه وایي چې دغه جګړه اوږده او زمونږ قربانۍ سترې وې.
نوموړي دا هم وویل چې مونږه د دایمي جګړې خلک نه یو او باید ټولې جګړې پای ومومي.
د امریکا د دفا وزارت سرپرست د خبرو په پای کې وویل چې اوس ددې وخت رارسیدلی چې امریکايي ځواکونه بیرته خپل هېواد ته ستانه شي.
