رویداد خبري آژانس په افغانستان کې لومړنۍ دیجټلي خبري آژانس
پخواني ولسمشر حامد کرزي يو وار بيا په افغانستان کې د سولې او ثبات پر تامين ټيینګار کړی او زياته کړې يې ده، چې په دې برخه کې د هڅو زياتوالی مهم او حياتي دی.
نوموړي دا څرګندونې نن دوشنبه د (غبرګولي په ۲۳مه) په کابل کې د ترکیې له سفیر جهاد ارگینای سره د ليدنې پرمهال کړي دي. کرزي په دې اړه خپل ټوېټر کې لېکلي، چې په ياده ليدنه کې دواړو لورو په افغانستان کې د دایمي سولې او ثبات د تامين لپاره د خبرو اترو پر ضرورت ټینګار وکړ.
نوموړي دغه راز د افغانستان له خلکو سره د ترکیې همکاري په ځانګړې توگه افغان ځوانانو ته د زدهکړو زمینې د برابرولو او د تحصیلې بورسونو د ورکړې له امله مننه کړې او د دواړو هېوادونو ترمنځ د اړیکو او همکاریو د لا پراختیا هیله یې څرگنده کړې ده.
پخواني ولسمشر حامد کرزي له دې وړاندې هم په افغانستان کې د سولې او ثبات د دوامداره کېدو په موخه، د يوه ګډه او افغاني ډيالوګ د پيلولو غوښتنه کړې ده.
د نوموړي دا غوښتنه د عامو خلکو له هرکلي سره مخ شوې او له اسلامي امارت يې غوښتي، چې د پايدارې سولې او ثبات په موخه دې د افغانستان له بېلابېلو اقشارو سره د مذاکراتو درېدلی بهير بيا پيل کړي.
