رویداد خبري آژانس په افغانستان کې لومړنۍ دیجټلي خبري آژانس
د افغانستان د فوټسال ملي لوبډله د کانټیننټال پینځه اړخیزو لوبو په لومړۍلوبه کې له ګواټمالا سره مخ کېږي.
دا لوبه نن (دوشنبې، د وږي ۱۲مه) د کابل پر وخت له غرمې وروسته ۲:۰۰ د ټایلنډ په بانکوک ښار کې ترسره کېږي.
ګواټمالا په خپله لومړنۍ لوبه کې درې پر دوه کوېټ ته ماتې ورکړه او درې امتیازه دی.
د کانټیننټال پینځه اړخیزه لوبې په ټایلنډ کې د ترسره کېدو په حال کې دي او د افغانستان، ټایلنډ(کوربه)، ګواتمالا، نیوزیلنډ او کوېټ لوبډلې په دغه لوبو کې ګډون کوي.
دا لوبې نړیوال جام ته د لوبډلو د چمتوالي په موخه ترسره کېږي.
تر یادو لوبو مخکې د افغانستان د فوټسال ملي لوبډلې د لا زیات چمتوالي لپاره په ایران او ټایلنډ کې د خپل مربي د لارښوونو سره سم تمریني اردوګانې ترسره کړې وې.
