رویداد خبري آژانس په افغانستان کې لومړنۍ دیجټلي خبري آژانس
د امریکا په ولسمشریزو ټاکنو کې د ډونالډ ټرمپ سیالې کامالا هریس د ټرمپ پر وړاندې خپله ماتې منلې ده.
هریس خپل سیال ډونالډ ټرمپ ته (چهارشنبې، د لړم۱۶مه) د ټیلفوني خبرو له لارې او په واشنګټن کې د خپلو پلویانو یوې غونډې ته په وینا کې دا څرګندونې کړي دي.
مېرمن هریس ټرمپ ته په ټیلفوني خبرو کې هغه ته مبارکي ویلې او سپینې ماڼۍ ته د ټرمپ په بېرته ورتګ کې د مرستې وړاندیز ورته کړی دی.
ورته مهال د امریکا ولسمشر جو بایډن هم د ټیلفون له لارې، په ولسمشریزو ټاکنو کې ډونالډ ټرمپ ته د بریا مبارکي ورکړې او هغه ته یې سپینې ماڼۍ ته د ورتګ بلنه ورکړې ده.
ټاکل شوې چې ټرمپ د ۲۰۲۵ کال د جنورۍ په شلمه نېټه لوړه وکړي او د امریکا د ۴۷م ولسمشر په توګه خپله دنده پيل کړي.
