رویداد خبري آژانس په افغانستان کې لومړنۍ دیجټلي خبري آژانس
د افغانستان لپاره د پآکستان نوي ټاکل شوي ځانګړي استازي محمد صادق کابل ته د خپل سفر خبر ورکړی دی.
نوموړي په خپله اېکس پاڼه خپاره کړي چې، د یو پلاوي په مشرۍ یې کابل ته سفر کړی او ټاکل شوې چې د ا.ا حکومت له چارواکو سره هم لیده کاته وکړي.
د پاکستان حکومت د آصف دراني له ګوښه کېدو وروسته محمد صادق خان د دویم ځل لپاره د افغانستان لپاره د خپل ځانګړي استازي په توګه ګومارلی دی.
محمد صادق خان له ۲۰۰۸ تر ۲۰۱۴کاله په افغانستان کې د پاکستان سفیر و او نوموړی په لومړي ځل د عمران خان د حکومت له خوا د افغانستان لپاره ځانګړی استازی ټاکل شوی و.
