رویداد خبري آژانس په افغانستان کې لومړنۍ دیجټلي خبري آژانس
د ډنمارک د کډوالو چارو ادارې پرېکړه کړې او ویلي یې دي، د هغه افغانانو پاسپورټونه به نور په رسمیت ونه پېژني چې د روان ۲۰۲۴م کال دسپټمبر میاشتې له ۱۸مې وروسته تمدید شوي دي.
یادې ادارې دغه راز غوښتنه کړې هغه افغان کډوال چې دغه پاسپورټونه لري او ډنمارک ورته پناه ورکړې مجبور دي، چې نوي افغاني پاسپورټونه واخلي.
د راپورونو له مخې هغه افغانان چې اوسمهال په ډنمارک کې اوسېږي کولای شي د نویو پاسپورټونو لپاره افغانستان ته لاړ شي او په دې برخه کې ستونزه نه لري، خو هغه افغانان چې ډنمارک ورته سیاسي پناوې ورکړې کولای شي د دې هېواد سیاسي پاسپورټونه ترلاسه کړي.
دا په داسې حال کې ده د ا.ا له دې وړاندې ویلي و، چې په اروپا کې له څو محدودو سفارتونو او قونسلګریو پرته چې ورسره اړیکي لري، د نورو سفارتونو او قونسلګریو له خوا د پاسپورټونو د تمدید او نورو سندونو په ګډون د دوی له خوا ترسره کېدونکي خدمتونه ورته رسمیت نه لري.
