رویداد خبري آژانس په افغانستان کې لومړنۍ دیجټلي خبري آژانس
د پاکستاني رسنیو په حواله د یاد هېواد د بهرنیو چارو وزیر وویل چې چین پاکستان ته د کرونا ضد واکسین ۵۰۰ زره ډوزه مرسته کوي.
ویل کیږي چې په پاکستان کې د کرونا ویروس پېښې ۵ لکه او ۲۷ زرو ته رسیږي او د مړینې کچه ۱۱ څخه اوښتې.
د پاکستان د بهرنیو چارو وزیر شاه محمود قریشي په خپل ټویټر پاڼه کې لیکلي چې: “پاکستان ۵۰۰ زره ډوزه واکسین څخه چې د چین له خوا ډالۍ کیږي، ډیر مندوی دی.”
هم مهال فلیپین، کمبودیا او میانمار حکومتونه اعلان کړي چې چین له دوی سره د کرونا وبا پر ضد واکسین مرسته کوي.
د پاکستان د بهرنیو چارو وزیر خبریالانو ته وویل: “چین ډاډ ورکړی چې د نیم میلیون ډوزه واکسین لومړۍ وړیا جوپه به د جنورۍ تر پایه ورته تسلیم کړي.”
