رویداد خبري آژانس په افغانستان کې لومړنۍ دیجټلي خبري آژانس
د هند پریمیر لیګ ۲۰۲۴ زیږدیز کال اوومه لوبه د تېر پړاو اتل چینای سوپر کینګ او ګجرات ټایټنز لوبډلو ترمنځ لیګ اوومه لوبه تېره شپه «سه شنبه د وري ۷ مه» د کلکتې چدامابرام لوبغالي کې وشوه.
چینای لوبډلې ته د توپ وهنې بلنه ورکړل شوه چې د شل اورونو په لړ کې یې د شپږو لوبغاړو زیان سره یې ګجرات ته د ۲۰۶ منډو هدف کېښود.
رچن رویندرا، ډاریل میچل او شیوام ډوب د خپلې لوبډلې په ګټه بریدګره توپ وهنه وکړه.
راشد خان ارمان په نولسم اور کې د شیوام ډوب ویکټه واخېسته.
د چینای توپ اچوونکو د بریا لپاره د مقابلې لوبډلې توپ وهونکي تر فشار لاندې ونیول، دیپک چهار او تاشور ډیشپانډې دوه دوه ویکټې واخېستې.
ګجرات ټایټنز په شل اورونو کې د اتو لوبغاړو زیان سره ۱۴۳ منډې جوړې کړې.
د چینای سوپر کینګ لوبغاړي شیوام ډوب چټکې پنځوسیزې سره ددې لوبې غوره لوبغاړي په توګه وټاکل شو.
