رویداد خبري آژانس په افغانستان کې لومړنۍ دیجټلي خبري آژانس
ملګرو ملتونو خبر ورکړی، چې د دې سازمان د امنيت شورا مشري چين ته ورکړل شوې او د يوې مياشتې لپاره به د يادې شورا رياست په غاړه ولري.
ملګرو ملتونو نن دوشنبه د (زمري په ۱۰مه) په خپل ټوېټر کې ويلي، چې چين به د امنيت شورا د مشرۍ مسووليت د روانې اګسټ له پيل څخه په غاړه واخلي.
نوموړی هېواد د ملګرو ملتونو د امنيت شورا د دايمي غړي په توګه يوازې د روانې اګسټ مياشتې لپاره د يادې شورا رياست ته غوره شوی دی.
له دې وړاندې ناورې، روسيې، عربي متحده اماراتو، برېتانيې، امريکا او البانيا هم روان کال د يوې- يوې مياشتې لپاره د ملګرو ملتونو دامنيت شورا مشري کړې ده.
