رویداد خبري آژانس په افغانستان کې لومړنۍ دیجټلي خبري آژانس
په دې وروستيو کې د کابل ښار د هوا ککړتيا له امله د ښاريانو شکايتونه زيات شوي؛ خو د اسلامي امارت چارواکي وايي، چې د يادې ککړتيا مخنيوي لپاره يې جدي هڅې پيل کړې دي.
د اسلامي امارت د وياند مرستيال بلال کريمي تازه په خپله ټوېټر کې په دې اړه لېکلي، په څه د پاسه درې اوونيو کې توانېدلي څو ۵سوه لوړې ودانۍ او سلګونه حمامونه چې د سون توکو د سوځولو پرمهال يې پرېمانه لوګی کاوه، کنټرول کړي.
نوموړي زياته کړې چې د اړوند ادارو له لوري د کابل ښار د هوا ککړتيا مخنيوي په موخه، د لوګي د کټرول جدي هڅې روانې دي او په دې برخه کې به د خلکو شکايتونو ته لازمه رسېدنه وشي.
اسلامي امارت داسې مهال په کابل کې د هوا ککړتيا د مخنيو په موخه د هڅو له دوام خبر ورکوي، چې په وروستيو کې د دغه ښار هوا د تېر په پرتله په مراتبو ککړه شوې ده.
