رویداد خبري آژانس په افغانستان کې لومړنۍ دیجټلي خبري آژانس
د ننګرهار والي ویاند عطاالله خوګیاڼی وايي بټي کوټ ولسوالۍ د مالټو باغونو حاصل سږکال ۱۹ سوه ټنه اټکل شوی، چې ور سره به له پاکستان څخه د مالټو ورادولو تر ډېره مخنيوی وشي.
د ننګرهار د والي ویاند خوګیاڼي وویل د کانال اړوند په ۶۱۰ هکټاره ځمکه باندې د مالټو باغونه جوړ شوي دي.
نوموړی وايي د حاصلاتو د لا زياتوالي په موخه تازه په ۴۳ هکټاره ځمکه باندې د مالټو نوي باغونه جوړ شوي دي.
د معلوماتو له مخې کانال ادارې ته پاملرنه او پر وخت د مالټو باغونو ته د سرې او نورو کيمياوي درملو ورکړه د دې سبب شوي، چې د مالټو حاصلات زيات شي.
ننګرهار کې د مالټو باغونو مخينه څو لسيزو وړاندې ته رسېږي چې يو وخت يې حاصلات نورو هېوادونو ته هم صادريدل.
