رویداد خبري آژانس په افغانستان کې لومړنۍ دیجټلي خبري آژانس
فلسطیني بېځایهشویو ته د ملګرو ملتونو د مرستې رسونې او کار پیداکولو سازمان (انروا) وایي چې پر غزه د اسراییلو د بریدونو پر دوام هلته څه باندې ۶۲۵زره فلسطیني ماشومان له زدهکړو بېبرخې دي.
انروا په خپله اېکس پاڼه لیکلي چې پر غزې د اسراییلو له برید وړاندې د یادو ماشومانو له ډلې څخه ۳۰۰ زرو کسانو د دې سازمان اړوند ښوونځیو کې زده کړې کولې.
دا په داسې حال کې ده چې اسراییلي ځواکونو په تېرو نهه میاشتو کې د ملګرو ملتونو په اړوند ښوونځیو او روغتونونو هم بریدونه کړي چې په پایله کې یې په زرګونو فلسطیني ماشومان مړه شوي دي.
د د وفا خبري اژانس د راپورونو له مخې، په دې موده کې د ډېرو ښځو او ماشومانو په ګډون ۳۷زره ۷۶۵ فلسطینیان د اسراییلو په بریدونو کې وژل شوي دي.
