رویداد خبري آژانس په افغانستان کې لومړنۍ دیجټلي خبري آژانس
د افغانستان د فوټسال ملي لوبډله به نن د نړیوالو څلور اړخیزو لوبو (NSDF) په چوکاټ کې له ټایلنډ سره مخامخ شي.
دا لوبه به نن (د وري۸مه) د کابل پر وخت د مازدیګر ۵ بجې په تایلنډ کې پیل شي.
د روان کال د اسيايي ملتونو د فوټسال جام سياليو ته د دغو لوبډلو د چمتووالي په چوکاټ کې د ټايلنډ، اسټراليا، افغانستان او ماليزيا د فوټسال د لوبډلو په ګډون څلور اړخيزې نړيوالې سيالۍ هم کېږي.
د يادونې وړ ده، چې د دې سياليو په لومړۍ لوبه کې د هېواد د فوټسال ملي لوبډله د ماليزيا له ملي لوبډلې سره مخامخ شوه او دا لوبه په دریو ګولونو مساوي پاى ته ورسېده.
په دویمه لوبه کې د هېواد د فوټسال ملي لوبډله له استرالیا سره مخامخ شوه او دا لوبه د پنځو ګولونو په ترسره کولو سره د افغانستان په ګټه پای ته ورسېده.
