رویداد خبري آژانس په افغانستان کې لومړنۍ دیجټلي خبري آژانس
په هرات کې د کرنې او مالدارۍ رياست چارواکي وايي ، چې د دغه ولايت د زعفرانو تولیدات دوه چنده شوي دي.
د دې ریاست یوه چارواکي بشیر احمد احمدي وویل، چې اوسمهال هره میاشت له درې تر څلورو ټنو زعفران د خصوصي سکتور له لوري اسيايي، اروپايي او نورو هېوادونو ته لیږدول کیږي.
د سوداګرو په وینا، تېر کال په هرات کې له یوه جريب ځمکې څخه تر شل کیلو زعفران ترلاسه کیده، خو سږ کال دغه حاصل تر ۴۰ کیلو پورې رسېدلی.
ویل کیږي، چې په هرات کې یو کیلو زعفران تر ۸۵ زره افغانیو پورې پېرل کېږي.
د افغانستان زعفران، چې یوه لویه برخه ېې په هرات کې تولیدیږي، په نړیوال بازار کې مهم مقام لري.
