رویداد خبري آژانس په افغانستان کې لومړنۍ دیجټلي خبري آژانس
د پښتون ژغورنې غورځنګ پرون يکشنبه د (غبرګولي په ۱۵مه) د سوېلي وزيرستان په واڼه کې لويه ولسي غونډه چې د نوموړي غورځنګ زرګونه پلويانو په کې ګډون کړی و، ترسره کړه.
دې غونډه د وينا پرمهال د پښتون ژغورنې غورځنګ مشر منظور احمد پښتين وويل، چې په قبايلي سيمو کې د ناامنيو تازه څپه راپورته شوې او په توګه يې په يادو سيمو کې د نوې جګړې د احتمالي پيلېدو خبرداری ورکړ.
دې په پام سره نوموړي د پاکستان حکومت او تحريک طالبان پاکستان ډلې ترمنځ د سولې مذاکرات د پوښتنې وړ بللي او ويلي يې دي، چې له د پاکستان حکومت او تحريک طالبان پاکستان ترمنځ پر سولې سربېره په قبايلي کې په بشپړه توګه د ناامنۍ له منځه وړلو تضمين څوک ورکولی شي؟
د پښتين په خبره، دامهال په قبايلي سيمو کې د يوې نوې جګړې د پيلولو په موخه چمتووالی روان دی او د نوموړي په وينا د همدې نوې جګړې بيه به هم د قبايلي سيمو اوسېدونکي پرې کوي.
پښتين زياته کړه، چې قبايلي اوسېدونکي د جګړې او ناامنۍ له درکه ډېر زيانمن شوي او تل د ناامنۍ په ترڅ کې د عملياتو په پلمه د دوی شتمنۍ لوټل شوي؛ خو په وينا يې خلک له دې زيات دې کار ته نه دي چمتوو.
منظور احمد پښتين د عارف وزير او ارمان لوڼي ترڅنګ د خړ کمر او واڼه پېښو قربانيانو په شمول د پښتون ژغورنې غورځنګ د وژل شوو کسانو ارواوو ته د درناوي مراتب وړاندې کړل او دغه راز يې په کلکه د پاکستان له حکومت غوښتنه وکړه، چې علي وزير، وېس ابدال، حنيف پيښتين، قاضي طاهر او د پښتون ژغورنې غورځنګ نور نيول شوي غړي له زندان ازاد کړي.
نوموړي د پاکستان پر حکومت تور پورې کړ چې د پښتون ژغورنې غورځنګ په اړوند قضيو کې پڅ عمل کوي او د دې غورځنګ د وژل شوو غړو د قضيو په تور يې هېڅوک نه دي نيولي.
