رویداد خبري آژانس په افغانستان کې لومړنۍ دیجټلي خبري آژانس
پولیسو د تحریک انصاف ګوند دوه مهم مشران شاه محمود قریشي او اسد عمر په اسلام اباد کې نېولی دی. په یوه وېډیو کې لېدل کېږي چې اسد عمر د پولیسو له خوا موټر ته خېژول کېږي.
همدا ډول جیو نیوز ټلویزیون د چهارشنبې مازدیګر راپور ورکړ، چې د پاکستان د بهرنیو چارو پخوانی وزیر او د تحریک انصاف مرستیال شاه محمود قریشي هم د پولیسیو لخوا نیول شوی دی.
د اسلام اباد د پوليسو وياند شهزاد ملک خبريالانو ته وویل، چې اسد عمر یې د “سولې فضا” د خرابولو په تور نیولی دی.
اسد عمر د عمران خان د واکمنۍ پر مهال ایالتي وزیر هم و.
په اسلام اباد کې د پولیسو او لاریونیانو ترمنځ اخ ډب هم شوی دی. اسلام اباد ته ګڼې غځېدلې لویې لارې تړل شوې دي.
