رویداد خبري آژانس په افغانستان کې لومړنۍ دیجټلي خبري آژانس
د روسيې ولسمشر ولاديمير پوتين په خپلو تازه څرګندونو کې ويلي، چې په افغانستان کې د امريکا شل کلن حضور دغه هېواد پر يوه حساسه نقطه بدل کړ او په دې ترڅ کې يې زيات زيان وليد.
نوموړي دا څرګندونې د ترکمنستان له ولسمشر سردار بردي محمداف سره په کريملېن کې د ليدنې پرمهال کړي دي. پوتين ويلي، د افغانستان ارزونو په تړاو د روسيې او ترکمنستان دريځ دا دی، چې امريکا دې د دغه هېواد د بيا رغونې مالي مسووليت ومني.
پوتين د مسکو فارمټ په چوکاټ کې د افغانستان پر موضوع د کار کولو لپاره چمتووالی وښود او زياته يې کړه، چې دا کار په سميه کې د همکاريو پراخولو لپاره ډېر مهم دی.
په همدې حال کې د روسيې ولمسشر ولاديمير پوتين او د ترکمنستان ولسمشر سردار محمداف پر دوه اړخيزه اړيکو او په ځانګړې توګه د دواړو هېوادونو پر سوداګرۍ هم خبرې وکړي.
د روسيې او ترکمنستان ترمنځ د سودګرۍ کچه تېر کال ۸۶۵ ميليون ډالر ښودلې شوې؛ خو د سږ کال په لومړنيو درېيو مياشت کې د دواړو هېوادونو ترمنځ سوداګري ۴۵ سلنه زياته شوې ده.
