رویداد خبري آژانس په افغانستان کې لومړنۍ دیجټلي خبري آژانس
په کابل کې د هسپانیا سفیر ګبرائیل فیران کارین وایي له افغانستان سره به یې مرستې او همکارۍ دوام کوي.
په کابل کې د هسپانیا سفیر د بهرنیو چارو له وزیر حنیف اتمر سره د لیدنې پر مهال ویلي چې په افغانستان کې د روانې جګړې د ختمېدو جدي اړتیا ده او دوی هڅه کوي خپل دا دریځ له نړیوالو سره هم شریک کړي.
سفیر ویلي دوی ددې غوښتونکي دي چې نړیوال د افغان جګړې په پای ته رسولو کې همکارۍ ډېرې کړي.
هغه همدا راز د تېرو شل کلنو لاس ته راوړنو پر ساتلو هم ټینګار کړی دی او په خبره یې هسپانیا ژمنه ده چې د تېرو لاس ته راوړنو او لا پراختیا په برخه کې له افغانستان سره همکاري وکړي.
اتمر هم د هسپانیې له دایمي مرستو مننه کړې ده او له دغه هېواد یې غوښتي چې د سولې په برخه کې رغنده رول و لوبوي.
