رویداد خبري آژانس په افغانستان کې لومړنۍ دیجټلي خبري آژانس
نن ډېورنډ کرښې ته څېرمه په چمن سيمه کې د پاکستان د مخدره موادو ضد ادارې پر موټر چاودنه شوې چې پکې پنځه تنه وژل شوي او اتلس نور ژوبل دي.
د چمن د پوليسو مشر محسن خان وايي، چاودنه په يوه موټر سايکل کې د ځای پر ځای شويو بمونو د چاودېدو له امله شوې ده.
دی وايي، د چمن پر مال سړک د مخدره موادو پر ضد د مبارزې د ادارې موټر روان و چې د پېښې ځای ته له رسېدو سره سم چاودنه ورباندې شوې ده.
د چمن د روغتون ډاکټران وايي، د پېښې له ځایه د پنځو تنو جسدونه او اتلس ټپيان وروړل شوي دي. دوی په ټپيانو کې د ځينو روغتيايي حالت د اندېښنې وړ بولي. تر اوسه د دغې چاودنې مسووليت کومې ډلې نه دی منلی.
