رویداد خبري آژانس په افغانستان کې لومړنۍ دیجټلي خبري آژانس
د روغتيا نړيوالو سازمان يا WHO د خپلو تازه موندنو له مخې خبر ورکړی، چې لا هم په نړيواله کچه سلګونه ميليونه کسان اړينو روغتيايي خدمتونو ته لاسرسی نه لري.
دې سازمان نن شنبه د (زمري په ۸مه) ويلي، چې اوس هم په ټوله نړۍ کې شاوخوا ۴ ميليونه کسان نه دي توانيدلي چې اړينو روغتيايي خدمتونو ته لاسرسی پيدا کړي. د روغتيا نړيوال سازمان زياته کړې، چې د يادو کسانو ترڅنګ په پرمختيايي هېوادونو کې ۲۱۴ ميليونه د زېږون عمر لرونکي ښځې، د زېږون د مخنيوي پر عصري لارو چارو نه پوهېږي.
د نوموړي سازمان د مالوماتو له مخې، له همدې کبله ده چې هر کال په ټوله نړۍ کې شاوخوا ۲۲ ميليونه ناخوندي د ماشوم د سقط پيښې رامنځته کېږي.
افغانستان هم د هغو هېوادونو په ډله کې دی، چې وګړي يې په کافي توګه اړينو او باکيفيته روغتيايي خدمتونو ته لاسرسی نه لري او د لاسرسي دغه محدوديت د دې سبب شوی، چې په دې هېواد کې د زېږون پرمهال د مور او ماشوم مړينه په لوړ حد کې پاتې شي.
