رویداد خبري آژانس په افغانستان کې لومړنۍ دیجټلي خبري آژانس
په ننګرهار او لغمان کې نن شنبه د سپټمبر ۵ (وږي ۱۵) په دوو ولایتونو کې د زنګ په کړنګولو سره نوي تعلیمي کال پیل شوه
د ننګرهار ولایت د تودو سېمو د ښوونځیو نوی تعلیمي کال په ولسي او سیاسي چارو کې د ولسمشر ستر سلاکار او د ننګرهار والي ضیاالحق امرخیل، پوهنې ریس حسیب الله شینواري له لورې د زنګ په وهلو سره پېل شو.
دغه غونډه د جلال آباد ښار د بي بي حوا په لیسه کې جوړه شوې وه د پوهنې ریس حسیب الله شینواري په خپلو خبرو کې له ننګرهار والي مننه وکړه چې د معارف چارو ته په خپل کاري مهال ویش کې لومړتیوب او د پروګرامونو ملاتړ وکړي.
همدارنګه د ننګرهار والي ضیا الحق امرخیل په خپلو خبروکې وویل:” د افغانستان د خلاصون او پرمختګ یوازینۍ لار علم او معارف دی او که غواړو چې افغانستان له دې اوسنیو کړکیچونو راوباسو نو باید علم زده کړو.”
د بي بي حوا لېسې یوې زده کوونکې مروا د نورو زده کوونکو په استازولۍ د ننګرهار له والي څخه د امنیت راوستو او دغه راز په لرې پرتو سیمو کې د ښځینه ښوونکو او نجونو زده کوونکو ستونزو حل ته پاملرنه وکړي او زده کوونکو ته د کتابونو او نورو اسانتیاوو په برابرولو کې کوټلي ګامونه پورته کړي
همداراز لغمان ولایت کې هم د تودو سيمو د لېسې د دورې ښوونځېو نوي تعليمي کال د زنګ په ګرنګولو سره رسمآ پیل شو.د پرانېستو په مراسمو کې د پوهنې رییس عبدالله حميدي زده کوونکو ته يې د نوي تعليمي کال او هم يې له دولسمو ټولګيو څخه فارغ شويو زده کوونکو ته مبارکي ويلې، نوموړي همداراز وویل چې د تېر وبا ځپلي کال درسونه بايد جبران شي.
ورپسې د پوهنې رياست اړوند د ښاري حوزې د څارنې آمر مولوي عبدالمتین مبشر د ښوونځيو ترمنځ د علمي سياليو د پېل خبر ورکړ او په زده کوونکو يې ټنګار وکړ چې خپل چمتو والى ولري.
د یادولو وړ ده، چي په یاده دوره کې يوولسم او دولسم ټولګي او خصوصي ښوونځېو د لومړي ټولګي څخه تر دولسم ټولګي پورې شامل دي
